शहरातील दुकानदारांना मराठीत फलक लावण्यासाठी मनसेने दिले मुख्याधिकाऱ्यांना निवेदन
अमळनेर प्रतिनिधी
शहरातील दुकानदारांना सर्वोच्च न्यायालयाने दि.२५ नोव्हेंबर पर्यंत मराठीत फलक लावण्याचे आदेश दिले होते त्या अनुषंगाने अमळनेर शहरात महाराष्ट्र नवनिर्माण सेनेच्या कार्यकर्त्यांनी शहरातील दुकानदारांनी मराठीत फलक लावण्याचे नगर परिषदेचे मुख्याधिकारी यांना निवेदन दिले व लवकरात लवकर संपूर्ण शहरात मराठी फलक लावावे अन्यथा मनसे स्टाईल आंदोलन छेडण्याचा इशारा महाराष्ट्र नवनिर्माण सेनेने मुख्याधिकाऱ्यांना दिला आहे.
निवेदनात म्हटले आहे की, दि.२५ नोव्हेंबर पर्यंत मराठी भाषेत फलक लावण्याबाबत सर्वोच्च न्यायालयाने आदेश देण्यात आले आहेत. तरीपण अमळनेर शहरातील काही दुकानदारांच्या फलकावर इंग्रजी अक्षरात नावे लिहिलेली होती. या दुकानदारांना नोटीस देऊन त्यांना मराठीत फलक लावा असे सांगावे अन्यथा दुकानदार सर्वोच्च न्यायालयाचे आदेशाचे पालन करत नाही म्हणून आपण त्या दुकानदारांवर योग्य ती कारवाई करावी अन्यथा आम्हाला मनसे स्टाईल आंदोलन करावे लागेल असे निवेदनात म्हटले आहे निवेदन देताना तालुकाध्यक्ष संदीप पाटील (काटे), शहराध्यक्ष धनंजय साळुंखे, शहर उपाध्यक्ष करण पाटील, शहर सचिव संकेत पाटील, शहर उपाध्यक्ष गजानन गोसावी, शेतकरी संघटनेचे तालुकाध्यक्ष गोपाल पाटील, शेतकरी संघटनेचे तालुका उपाध्यक्ष हर्षल पाटील, आदित्य पगारे, विद्यार्थी सेनेचे राहुल शेलार, श्यामकांत बडगुजर, संदीप पाटील, योगेश पाटील, दिनेश पवार, प्रमोद पाटील, आकाश पाटील, रुपेश पाटील आदी मनसे कार्यकर्ते उपस्थित होते.
